နိခင်းကြောင်တောင် လမ်းလျှောက်ဖို့
မှန်အိမ်ရှာနီစွာ ဖြစ်ကောင်းဖြစ်ဖို့
နီကြတ်ချိန်ကို ကြောက်စွာကိုး။
ပုတ်ဟောင်နီရေ နခွမ်းတိများနီလို့်
အိပ်ချင်ယောင် ဆောင်နီကေ
အားဓမ္မလှုပ်မနိူးပါကေ့။
လှောင်ခြိုင့်ထဲမှာ မွီးလာရေ ငှက်တစ်ကောင်ကို
အတောင်ဖြန်ဖို့ အကြောင်း
အာကာပြင်အကြောင်း
အယင်စလိုနန့်
စာလုံးပေါင်းခိုင်းလို့မရ။
တရားကို မသိခြင်းစွာ
မသိခြင်းတရားဖြစ်မလာဖို့
ကိုယ့်ကိုယ်ကို ရိုးသားဖို့တော့ လိုဗျယ်။
သူများအတွက် ထုတ်တေ မီးခွန်းအတွက်
ကိုယ်တိုင်ဖြေဖူးမှ
ဈီးကွက်ထဲဖြန့်သင့်ရေ…။
သခင်ကို ပြန်ကိုက်တေ ဆုံးမစာတိနန့်
အသိုင်းဝိုင်းတစ်ခုလုံး
ရရောင်းသတ်နီကျ။
နက်ဖခါ နီဟိဖို့ မသေချာ
နက်ဖခါ ရီဟိဖို့ မသေချာ
နက်ဖခါ လီဟိဖို့ မသေချာ
နက်ဖခါ မြီဟိဖို့ မသေချာ
မသေချာမှုတိမျောလွင့်နီရေ ကြားက
သူငယ်ချင်းဖြစ်ခွင့် တစ်ခုကိုတော့
ဖမ်းဆုပ်ထားချင်လို့
မီးခွန်းတိကို မျိုးရိုးပြောင်းပြီးကေ
သော့မခတ်ထားရေ တန်းခါးကနီ
အသံမပီးပဲ အိမ်ထဲကို ဝင်လာခွင့်ဟိပါရေ။
အားလုံးကိုကျေးဇူးတင်ပါရေ
ညီစု(၀၂၊၀ရ၊၀၉)
ညီစု(၀၂၊၀ရ၊၀၉)
No comments:
Post a Comment