ကမ္ဘာဦးတည်းက
ငါကျရှုံးဖို့ သတ်မှတ်ထားရေ စစ်မြီပြင်တစ်ခု
အခုထိ ငါက ဝမ်းနည်းယင်း ပက်လက်ဖြစ်နီရေ။
ချစ်သူဖန်ဆင်းရေ နိတိက
ဥပေက္ခာလိမ်းကျံထားကေလေ့ လှနီယင့်။
မာနတိလှည်းကျင်းထားရေ ငါ့ရင်ဘတ်မှာ
နင့်အတ္တကို သိုလှောင်ခွင့်ရှိ်ရေ။
ကြောင်ရှိမှာ လမ်းလျှောက်ကျင့်ရေကြွက်တစ်ကောင်လား
ငါကိုယ့်ကိုငါ မဆမ်းစစ်ခ
နင်ချထားရေ လမ်းကိုရာ
တပ်မက်တတ်တေ။
သက်သီမဟိရေ အမှန်တရားကို ပိုက်လို့
အလင်းတုထုတ်တေ နိရက်တိကိုရာ ဆာလောင်
အမှောင်ထဲမှာ ငါကိုထားပါ။
ဘဝလက်ကျန်တစ်ခုလုံး
အပိုင်စားပီးထားရေ ကြားက
နီရိုးဘုရင်တယောသံနန့်
အိပ်မောကျနီရေ ချစ်သူက
အချစ်နန့် အမုန်းစွာ
စာမျက်နှာနှစ်ဘက်ဟိရေ
စက္ကူတစ်ရွက်ရာလတ်။
ဟုတ်တေ…ယေလေ့….
မင်းအမုန်းနန့် ပတ်သက်ကေ
ငါ့ကို တုံးအခွင့်ပြုပါ။
ညီစု(၀၂၊၀၇၊၀၉)
No comments:
Post a Comment