Saturday, June 6, 2009
အိမ်လွှမ်းငှက်တမ်းချင်း
အချိန်တိက တစ်မှုန့်ချင်းကြွီ
မသီသိရေ မျှော်လင့်ချက်နန့်
တမ်းတမှုတိက သူ့ကိုယ်သူ ဆွဲဆန့်နိန်ကတ်တေ။
လွတ်လပ်တေ ပျော်ရွှင်မှုက
မစီးစွာကြာရေ ဖိနပ်ပိုင်
ဂျောင်မှာမှိုင်ဗျယ်
အာဂန္ဓုပိုင် ထိုင်ပနာ ကြည့်နိန်ယင့်။
အတ္တက
ခံယူချက်အဖြစ် ကိုယ်ယောင်ဖျောက်ဝင်ခလို့
မြက်နုကိုစား
ကြည်နိန်ရေ ရီကိုသောက်
လင်းစွာမှောင်စွာတောင် မတူညီဗျယ်။
စိတ်အိပ်အပေါက်နန့်
ကောက်နိန်ရေ ရည်မှန်းချက်တိအတွက်
အတိတ်ကို အလည်ရောက်ဖို့တောင်
လမ်းစရိတ်မရ။
တရပ်တရွာမှာ
မြှပ်ပစ်ခရေ ကတိသစ္စာတိ
လူမသိပဲ ဖုတ်ထားရေ ငပိပိုင်
ပေါင်မုန်နန့် အတွိ့မှာ
ပြာအဖြစ်ပြောင်း
ဟောင်းနွမ်းဆွီးမြိ့
ပြန်တူးဖို့မိဗျယ်။
အိမ်ပြန်စိတ်ကူးကလေ့
စက္ကူပါးချေတိနန့် အတွိ့မှာ
မိုးလင်းတိုင်း သစ်ချခံလိုက်ရရေ မျက်ချီးပိုင်
ပေါ်လာလိုက် ဖျောက်ခံရလိုက်။
အမှန်က
မမက်မမော မက်ခရေအိမ်မက်က
အခုထက်ထိမနိူးအောင်
ကကွက်ဆန်းတ်ိထိုး
တစ်မျိုးပြီး တစ်မျိုးညှို့
ကိုယ့်ကို ချိုင်နိန်ရေ ကြိူးကို
ကိုယ်တိုင်ကျစ်လို့
ဒြပ်မဲ့နွံထဲမှာ
နစ်သထက်နစ်….။
တဆစ်ဆစ်နာလာရေ
ရင်ဘတ်ကို ရှေ့တမ်းတင်
လောဘဆံပင်ကို ကိုက်ဗျယ်
အယင်က အသိုက်ကို သတိတရ
အိမ်ပြန်ရောက်တေနိန့်မှ
အပြုံးထောက်ကြိုရေ မိဘကို
အော်တိုများ ထိုးခိုင်းရဖို့လားဂု။
အားလုံးကိုကျေးဇူးတင်ပါရေ
ညီစု
မသီသိရေ မျှော်လင့်ချက်နန့်
တမ်းတမှုတိက သူ့ကိုယ်သူ ဆွဲဆန့်နိန်ကတ်တေ။
လွတ်လပ်တေ ပျော်ရွှင်မှုက
မစီးစွာကြာရေ ဖိနပ်ပိုင်
ဂျောင်မှာမှိုင်ဗျယ်
အာဂန္ဓုပိုင် ထိုင်ပနာ ကြည့်နိန်ယင့်။
အတ္တက
ခံယူချက်အဖြစ် ကိုယ်ယောင်ဖျောက်ဝင်ခလို့
မြက်နုကိုစား
ကြည်နိန်ရေ ရီကိုသောက်
လင်းစွာမှောင်စွာတောင် မတူညီဗျယ်။
စိတ်အိပ်အပေါက်နန့်
ကောက်နိန်ရေ ရည်မှန်းချက်တိအတွက်
အတိတ်ကို အလည်ရောက်ဖို့တောင်
လမ်းစရိတ်မရ။
တရပ်တရွာမှာ
မြှပ်ပစ်ခရေ ကတိသစ္စာတိ
လူမသိပဲ ဖုတ်ထားရေ ငပိပိုင်
ပေါင်မုန်နန့် အတွိ့မှာ
ပြာအဖြစ်ပြောင်း
ဟောင်းနွမ်းဆွီးမြိ့
ပြန်တူးဖို့မိဗျယ်။
အိမ်ပြန်စိတ်ကူးကလေ့
စက္ကူပါးချေတိနန့် အတွိ့မှာ
မိုးလင်းတိုင်း သစ်ချခံလိုက်ရရေ မျက်ချီးပိုင်
ပေါ်လာလိုက် ဖျောက်ခံရလိုက်။
အမှန်က
မမက်မမော မက်ခရေအိမ်မက်က
အခုထက်ထိမနိူးအောင်
ကကွက်ဆန်းတ်ိထိုး
တစ်မျိုးပြီး တစ်မျိုးညှို့
ကိုယ့်ကို ချိုင်နိန်ရေ ကြိူးကို
ကိုယ်တိုင်ကျစ်လို့
ဒြပ်မဲ့နွံထဲမှာ
နစ်သထက်နစ်….။
တဆစ်ဆစ်နာလာရေ
ရင်ဘတ်ကို ရှေ့တမ်းတင်
လောဘဆံပင်ကို ကိုက်ဗျယ်
အယင်က အသိုက်ကို သတိတရ
အိမ်ပြန်ရောက်တေနိန့်မှ
အပြုံးထောက်ကြိုရေ မိဘကို
အော်တိုများ ထိုးခိုင်းရဖို့လားဂု။
အားလုံးကိုကျေးဇူးတင်ပါရေ
ညီစု
Subscribe to:
Post Comments (Atom)
No comments:
Post a Comment